Бойсун – ҳайратлар бешиги

Abstract

Бойсун нафақат табиати, балки қадим тарихи, бой анъаналари, қадриятлари билан ҳам гўзал ва бетакрор бир гўша. Хўш, фусункор Бойсуннинг Ўзбекистоннинг бошқа ҳудудлардан фарқ қиладиган жиҳатлари - феномени нималардан иборат?

Бойсун – бир қараганда оддий бир ҳудуд, аммо у табиат, тарих ва маданиятлар қоришган ва уйғунлашган ноёб “тирик лаборатория” ҳамда очиқ осмон остидаги музейдир. Жанубий Ўзбекистонда жойлашган бу манзил нафақат манзаралари, балки ўзига хос ландшафти, қатор ўзига хос жиҳатлари билан ажралиб туради.

Бойсун - табиий феномен, яъни камдан-кам учрайдиган, ғайриоддий ҳодиса. У тоғлар бағрида, иқлим ва “ёпиқ макон” таъсирида минг йилларки жилваланган манзил.