BOXTAR SATRAPLIGI TARIXINING BEHISTUN BITIKLARIDA YORITILISHI (MILODDAN OLDINGI VI–IV ASRLAR)

Abstrak

Boxtar - Turonning Amudaryo o‘rta oqimida Hisor tizmasi va Hindikush oralig‘ida joylashgan (hozirgi Janubiy O‘zbekiston, Janubiy Tojikiston, Shimoliy Afg‘oniston va Janubi-sharqiy Turkmaniston) tarixiy-madaniy o‘lka hisoblanadi. Ushbu tarixiy-madaniy o‘lka mil. avv. VI-IV yuzyilliklarda Ahamoniylar saltanati tarkibiga kirgan bo‘lib, Boxtar satrapligi tarixi haqidagi ma’lumotlar Ahamoniylar bitiklari, Elam, Bobil, Oromiy, Finikiya, Misr, Lidiya, Kariya, Likiya, Yunon va lotin kabi bir qancha yozma manbalarda uchraydi. Ularni ilmiy jihatdan tahlil qilish Boxtar satrapligining siyosiy, ijtimoiy-iqtisodiy tarixi, aholining turmush tarzi haqida qimmatli ma’lumotlar olishga yordam beradi. Ushbu maqolada Boxtar satrapligining Behistun bitiklarida yoritilishi ilmiy jihatdan tahlil qilingan.