Sudoche suv havzasi Bacillariophyta suvo'tlarining mavsumiy rivojlanish dinamikasi

Abstrak

Maqolada Orolbo'yi hududidagi Sudochye suv havzasi suvo'tlarining iqlim va gidrologik omillar o'zgaruvchanligi sharoitidagi mavsumiy rivojlanishi qonuniyatlari yoritilgan. Izlanishlar davomida algofloraning fasllar bo'yicha shakllanish qonuniyatlari, dominant va subdominant turlarning mavsumiy almashinishi tahlil qilingan. Bahor, yoz, kuz va qish mavsumlarida suv havzasining gidrologik va gidrokimyoviy parametrlari, ayniqsa harorat hamda sho'rlanish darajasi suvo'tlari biomassa va zichlik ko'rsatkichlariga sezilarli ta'sir ko'rsatishi aniqlangan. Turli fasllarda ekotizimda yetakchilik qiluvchi Bacillariophyta, Cyanophyta va Chlorophyta bo'limi vakillarining miqdoriy dinamikasi o'rganilgan. Olingan ilmiy natijalar Sudoche ko'llar tizimining gidrobiologik holatini baholash, ekologik monitoringini olib borish hamda mintaqa suv resurslaridan oqilona foydalanish strategiyalarini ishlab chiqishda muhim ahamiyatga ega.